Regluger­ fyrir starfsgreinadeildir Einingar-I­ju

Tr˙na­arrß­ ßkve­ur stofnun starfsgreinadeilda innan fÚlagsins. A­ild starfshˇpa a­ hverri starfsgreinadeild skal skilgreind me­ upptalningu. ═ stjˇrnum

Regluger­ fyrir Starfsgreinadeildir Einingar-I­ju

  1. Trúnaðarráð ákveður stofnun starfsgreinadeilda innan félagsins. Aðild starfshópa að hverri starfsgreinadeild skal skilgreind með upptalningu.
  2. Í stjórnum starfsgreinadeilda skulu vera 9 aðalmenn sem sitja alla stjórnarfundi deildanna. Ekki skal kjósa varamenn. Stjórnarmenn skulu kosnir til tveggja ára sem hér segir: Annað árið formann, ritara og þrjá (3) meðstjórnendur en hitt árið varaformann og þrjá (3) meðstjórnendur. Aðalfund hverrar starfsgreinadeildar skal halda fyrir 1. apríl ár hvert.
  3. Starfsgreinadeildirnar skulu eiga fulltrúa í stjórn félagsins eins og nánar er kveðið á um í 14. gr. og 23. gr. laga félagsins.
  4. Starfsgreinadeildir vinna að sérmálum þeirra starfsgreina, sem þær taka til, og vinna að undirbúningi og gerð sérsamninga þeirra í nánu samstarfi við stjórn og samninganefnd félagsins.
  5. Starfsgreinadeildir tilnefna þann fulltrúafjölda í trúnaðarráð og samninganefnd félagsins, sem stjórn félagsins heimilar.
  6. Formaður starfsgreinadeildar kveður til stjórnarfunda í viðkomandi deild og stjórnar þeim. Hann metur hvenær þörf sé á að halda fund en auk þess er honum skylt að boða stjórn deildarinnar til fundar, ef a.m.k. þrír stjórnarmenn óska eftir því og tilgreina fundarefni. Skal fundargerð lögð fram til samþykktar í byrjun næsta fundar á eftir.
  7. Almennir fundir í starfsgreinadeildum skulu haldnir þegar stjórnin álítur þess þörf eða minnst 10 fullgildir félagsmenn krefjast þess skriflega, enda sé fundarefni tilgreint af þeim er kröfuna gera.
  8. Starfsgreinadeildirnar tilnefna fulltrúa á fundi hlutaðeigandi sviða Starfsgreinasambands Íslands (SGS).
  9. Félagið kostar starfsemi starfsgreinadeilda eftir nánari ákvörðun félagsstjórnar og skulu þær hafa aðstöðu í húsnæði félagsins. Þar skulu og öll gögn þeirra varðveitt.
  10. Formenn deilda eru sjálfkjörnir í stjórn félagsins.*
  11. Varaformenn eru sjálfkjörnir í trúnaðarráð.

 * Breyting á grein 10. tekur ekki gildi fyrr en eftir aðalfund Einingar-Iðju 2013 og því mun varaformaður stærstu deildarinnar sitja í stjórn félagsins starfsárið 2012 – 2013.

Reglugerðin þannig samþykkt á aðalfundi Einingar-Iðju 17. apríl 2012