Ráðningarsamningur er hugtak yfir þann samning sem launamaður og atvinnurekandi gera sín á milli. Í slíkum samningi skuldbindur launamaður sig til að vinna hjá atvinnurekanda undir hans stjórn gegn greiðslu launa.
Ráðningarsamningur
Sé ekki gerður skriflegur ráðningarsamningur, eins og segir í kjarasamningi, þá gildir alltaf kjarasamningurinn um réttindi starfsmanns
Óheimilt er að gera samninga sem eru lakari en þeir kjarasamningar sem eru í gildi hverju sinni
Hvað á að koma fram á ráðningarsamningi
- Persónulegar upplýsingar um þig og vinnuveitenda.
- Vinnustaður og heimilisfang vinnuveitanda. Sé ekki um fastan vinnustað að ræða, eða stað þar sem vinnan fer jafnaðarlega fram, skal koma fram að starfsmaður sé ráðinn á mismunandi vinnustöðum.
- Titill, staða, eðli eða tegund starfs sem starfsmaður er ráðinn í eða stutt útlistun eða lýsing á starfinu.
- Fyrsti starfsdagur.
- Starfshlutfall. (Það er að segja hve mikla vinnu þú færð hvern mánuð.)
- Lengd ráðningar sé hún tímabundin.
- Orlofsréttur.
- Uppsagnarfrestur af hálfu vinnuveitanda og starfsmanns.
- Mánaðarlaun eða tímakaup, t.d. með tilvísun til launataxta, aðrar greiðslur eða hlunnindi svo og greiðslutímabil.
- Lengd venjulegs vinnudags eða vinnuviku.
- Lífeyrissjóður.
- Tilvísun til gildandi kjarasamnings og hlutaðeigandi stéttarfélags.
Allir eiga að fá ráðningarsamning.
Það er hlutverk vinnuveitandans að útbúa ráðningarsamninga.