Starfsgreinadeildir

Félagið skiptist í þrjár starfsgreinadeildir og er hugmyndin með starfsgreinaskiptingu að nýta kosti bæði stórra og smærri félaga. Deildirnar þrjár eru Matvæla- og þjónustudeild, Iðnaðar- og tækjadeild og opinbera deildin. Nánar má finna upplýsingar um hverja deild fyrir sig með því að smella á viðkomandi hnapp hægra meginn á síðunni.

Kostir þess að vera í stóru félagi eru til dæmis öflugur sjúkrasjóður, fjölbreyttari möguleikar í orlofsmálum og meiri slagkraftur í kjarabaráttu. Hins vegar getur verið erfiðara að virkja hinn almenna félagsmann í stóru félagi. Þetta vandamál eiga deildirnar að leysa því þær eru vettvangur þar sem fólk getur rætt sérmál sín. Með þessu eru fleiri virkjaðir til starfa fyrir félagið, félagsandinn innan hverrar starfsgreinar eflist og málefni félagsins standa nær hverjum og einum.

Aðalfundir deilda 2019

Aðalfundir deilda félagsins árið 2019 fara fram á 4. hæð Alþýðuhússins á Akureyri mánudaginn 11. febrúar kl. 19:30. Fyrst verður sameiginlegur fundur allra deilda þar sem flutt verður erindi. Að því loknu munu deildirnar hver fyrir sig halda sinn aðalfund. 
  • Á fundinum verður kosið til tveggja ára um formann, ritara og þrjá meðstjórnendur í hverri deild fyrir sig.
    • Í Opinberudeild þarf líka að kjósa varaformann til eins árs.
    • Í Iðnaðar- og tækjadeild þarf líka að kjósa einn meðstjórnanda til eins árs.
    • Í Matvæla- og þjónustudeild þarf líka að kjósa einn meðstjórnanda til eins árs.

Nöfn þriggja fundargesta verða dregin út og fá þeir heppnu helgardvöl á Illugastöðum í vetur. 

Veitingar í boði 

ATH! Boðið verður upp á akstur til Akureyrar, sjá nánar:

Þeir sem ætla að fá far með rútunni sem fer frá Siglufirði verða að láta Möggu vita í síma 460 3620 fyrir kl. 13 mánudaginn 11. febrúar. Rútan leggur af stað frá:

  • Siglufirði kl. 18:00, frá skrifstofu félagsins.

  • Ólafsfirði kl. 18:15, frá Tjarnarborg

  • Dalvík kl. 18:30 frá skrifstofu félagsins 

Sameinast verður í bíla frá Grenivík og Hrísey:

  • Grenivík: Hringið í Róbert svæðisfulltrúa í síma 844 5729 og látið vita ef þið ætlið að fá far.

  • Hrísey: Hringið í Guðrúnu svæðisfulltrúa í síma 692 4910 og látið vita ef þið ætlið að fá far.