Starfsgreinadeildir

Félagið skiptist í þrjár starfsgreinadeildir og er hugmyndin með starfsgreinaskiptingu að nýta kosti bæði stórra og smærri félaga. Deildirnar þrjár eru Matvæla- og þjónustudeild, Iðnaðar- og tækjadeild og opinbera deildin. Nánar má finna upplýsingar um hverja deild fyrir sig með því að smella á viðkomandi hnapp hægra megin á síðunni.

Kostir þess að vera í stóru félagi eru til dæmis öflugur sjúkrasjóður, fjölbreyttari möguleikar í orlofsmálum og meiri slagkraftur í kjarabaráttu. Hins vegar getur verið erfiðara að virkja hinn almenna félagsmann í stóru félagi. Þetta vandamál eiga deildirnar að leysa því þær eru vettvangur þar sem fólk getur rætt sérmál sín. Með þessu eru fleiri virkjaðir til starfa fyrir félagið, félagsandinn innan hverrar starfsgreinar eflist og málefni félagsins standa nær hverjum og einum.

Aðalfundir deilda verða rafrænir í ár
Vegna aðstæðna í þjóðfélaginu verða aðalfundir deilda félagsins rafrænir í ár. Fundirnir verða dagana 2. til 4. febrúar nk. og munu allir hefjast kl. 19:30.
Félagsmenn sem ætla að mæta á fund þurfa að skrá sig hér fyrir neðan, til að hægt verði að senda viðkomandi hlekk á fundinn.
  • Þriðjudagur 2. febrúar

    • Rafrænn aðalfundur Matvæla- og þjónustudeildar - skrá sig hér
  • Miðvikudagur 3. febrúar

  • Fimmtudagur 4. febrúar

Á fundunum verður kosið til tveggja ára um formann, ritara og þrjá meðstjórnendur í hverri deild fyrir sig.
Við mætum með fundinn til þín!
Verið virk í deildinni ykkar!