Leiðbeiningar fyrir Mínar síður félagsins
How can I read this news in another language?
Jak mogę przeczytać tę wiadomość w innym języku?
Á Mínum síðum Einingar-Iðju geta félagsmenn séð margvíslegar upplýsingar um réttindi viðkomandi. Þar á að sækja um sjúkra- og fræðslustyrki og sjúkradagpeninga og senda inn rafræn gögn með umsóknum. Einnig er sótt rafrænt um eða bókað og greitt fyrir orlofshús og íbúðir. Finna má vefverslun þar inni og einnig er hægt að gefa kost á sér til trúnaðarstarfa fyrir fyrirtækið sem þú vinnur hjá. Jafnframt er hægt að fylgjast með réttindaávinnslu og skilum atvinnurekenda á iðgjöldum. Félagsmenn sem vinna eftir sveitarfélagasamningi geta fylgst með inneign í Félagsmannasjóði, sem er til útgreiðslu 1. febrúar ár hvert.
Sumar upplýsingar á eftir að færa yfir í nýja viðmótið og má finna þær á gamla persónublaðinu.
Hér fyrir neðan má sjá leiðbeiningar fyrir helstu aðgerðir inni á Mínum síðum Einingar-Iðju.
Innskráning
Félagsmenn skrá sig inn á Mínar síður. Hægt er að nota til þess rafræn skilríki eða auðkennisapp frá Auðkenni.
Breyta tungumáli á síðu
Efst til hægri á persónublaðinu má finna tungumálafána, með því að smella á hann má velja tungumál sem Mínar síður verða á. Tungumálafáninn sýnir á hvaða tungumáli félagsmaður skoðar Mínar síður og hjálpar það starfsfólki að ákveða á hvaða tungumáli til dæmis skeyti til viðkomandi félagsmanns fara. Þegar send eru fjöldaskeyti á margt félagsfólk og þau eru t.d. á þremur tungumálum – ræður þessi merking hvaða skeyti hver félagsmaður fær.
Mín störf (félagsgjald, starfsstöð o.fl.)
Með því að smella á Mín störf opnast síða þar sem sjá má greitt félagsgjald, bæði sem yfirlitsmynd yfir sl. 12 mánuði sem samtals yfir alla þína sögu hjá félaginu.
Þar má einnig sjá og breyta starfsupplýsingum eins og starfsstöð, starf og starfsmannaflokki. Einnig má sjá hver er þinn trúnaðarmaður eða láta vita ef vantar trúnaðarmann á þinn vinnustað.
Það getur skipt miklu máli fyrir verkalýðsfélög að vita á hvaða starfsstöðvum félagsmenn vinna. Bæði eru fyrirtæki og sveitarfélög, orðin stærri en áður var og mörg fyrirtæki hafa margar starfsstöðvar.
Réttur til að hafa trúnaðarmann á vinnustað er mikilvægur réttur launafólks og sá réttur byggir á fjölda starfsmanna á vinnustaðnum eða starfsstöðinni. Þegar félagið fær skilagrein frá stóru sveitarfélagi eru tugir eða hundruðir nafna á skilagreininni en engar frekari upplýsingar.
Því er það við t.d. afgreiðslu kjarasamninga, kosninga um verkföll og aðrar afgreiðslur félagsins sem leggja þarf í mikla vinnu við að vinna kjörskrá og alltaf hætta á að einhverjir verði utan kjörskrár, sem eiga að vera þar. Þegar kemur að trúnaðarmannakosningum er ljóst að félagsmenn Einingar-Iðju um allt félagssvæðið eiga rétt á fleiri trúnaðarmönnum en við höfum í dag. Ein leið til að tryggja að sem flestar starfsstöðvar geti kosið sér trúnaðarmann er að skrá sig á starfsstöðina.
Félagið mun fylgjast með hvaða starfsstöðvar hafa fleiri en 5 félagsmenn og gangast fyrir trúnaðarmannakosningum á þeim.
Breyta persónuupplýsingum
Eining-Iðja vill vera í góðu sambandi við félagsmenn og því biðjum við ykkur um að skrá eða yfirfara símanúmer og netfang inn á Mínum síðum félagsins.
Auðvelt er að skrá eða breyta ykkar upplýsingum með því að smella á strikin 3 sem finna má efst til hægri á forsíðunni, þá opnast fellilisti sem þarf að ýta á.
Hægt er að setja inn eða breyta upplýsingum um símanúmer, netfang og bankareikning. ATH! ekki er hægt að sækja um styrki eða orlofshús ef þessar upplýsingar liggja ekki fyrir.
Að bóka orlofseign
Á bókunarsíðunni er hægt að velja hverja eign fyrir sig eða láta allar eignir opnast í einu. Hægt er að nota síur til að leita eftir ákveðnum eiginleikum eða svæði. Ýtið á nafn eignar til að sjá nánari upplýsingar um viðkomandi hús og svæði. Þarna má líka sjá fjölda daga sem viðkomandi félagsmaður á eftir af sínum leigudögum.
Þegar smellt er á eitthvert svæði opnast listi yfir eignirnar þar (Tjarnargerði í þessu dæmi hér fyrir ofan) og um leið sést bókunarstaða hverrar eignar á viðkomandi tímabili.
Þegar búið er að velja svæði, húseign og tímabil sést hvaða daga eignin er laus og hægt að velja þá dagsetningu sem viðkomandi vill bóka. Um leið og leigudagsetningar hafa verið valdar flyst félagsmaður á staðfestingarsíðu þar sem félagsmaður staðfestir dagsetningar sem hann ætlar að bóka og fer svo yfir á greiðslugátt til þess að greiða fyrir leiguna. Athugið: ef þú vilt breyta dagsetningu þarf að velja Hætta við - annars kemur eignin eins og frátekin inni á bókunarvefnum og er ekki bókanleg næstu tíu mínúturnar.
Yfirlit bókana og aðrar aðgerðir
Eins og staðan er í dag þarf að fara yfir á gamla persónublaðið til að skoða orlofsbókanir og samninga, bara velja Eldri útgáfa.
Á þeirri síðu þarf að skruna niður þar til birtist dálkur sem heitir Orlofssjóður.
Með því að ýta á Bókanir er hægt að framkvæma ýmsar aðgerðir og sjá upplýsingar um t.d. fyrri leigur og fleira.
- Félagsmenn geta nálgast leigusamning sinn um leið og leiga er fullgreidd, en samningurinn verður ekki til fyrr en leiga er greidd, þá birtist hann hægra megin sem vefsíða og í pdf formi. ATH, fleiri upplýsingar geta verið á vefsíðuforminu.
- Ef félagsmaður vill fá leigusamninginn í tölvupósti er nóg að smella á umslag sem mun umslag birtast hægra megin við bókunina.
- Óski félagsmaður eftir að setja athugasemd við leigu – til dæmis ábendingu til félagsins um eitthvað sem betur má fara – mun birtast lítill spjallgluggi hægra megin sem hægt verður að smella á.
- Staðfestingargjald, sem er hluti af leiguverði, er ekki endurgreitt ef hætt er við leigu.
- Félagsmenn geta sjálfir flutt og breytt leigu (milli svæða, eigna og tímabila) eins oft og þeir vilja, staðfestingargjaldið eltir breytinguna.
- Nú er alltaf hægt að bóka orlofshús um það bil sex mánuði fram í tímann, fyrir utan tímabilið þegar sumarúthlutun er í gangi.
Að sækja um orlofskost (SUMARÚTHLUTUN 2026) Á eftir að uppfæra!!
Sækja þarf um orlofshús eða Orlof að eigin vali á Mínum síðum félagsins.
Félagsmenn hafa kost á að senda inn þrjár umsóknir, eina aðalumsókn og tvær til vara. Í valflipanum svæði þarf að velja úr þeim orlofskostum sem eru í boði eða Orlof að eigin vali, í valflipanum tímabil þarf að velja ákveðna viku og í flipanum herbergjafjöldi er valinn stærð á íbúð.
Í dæminu hér fyrir neðan er búið að velja tvær eignir og því má velja eina eign í viðbót eða þá Orlof að eigin vali. Á meðan umsóknarferlið er opið er hægt að færa valkosti á milli aðalvals og hvað á að vera til vara, eyða og bæta við eins og þörf krefur.
Að sækja um styrki
Nú er sótt um alla styrki á sama stað í kerfinu, þ.e. heilsustyrki, menntastyrki og sjúkradagpeninga.
- Það fyrsta sem þarf að velja er tegund styrks.
- Næst birtast upplýsingar um styrk sem verið er rað sækja um. Þar kemur fram hvaða gögnum þarf að skila, en það getur verið mismunandi eftir því hvaða styrkur þetta er.
- Þá þarf að hlaða upp þeim gögnum sem þurfa að liggja fyrir til að hægt sé að afgreiða umsókn, til dæmis greiðslukvittun, yfirlit, vottorð eða reikning. Skrá þarf allar umbeðnar upplýsingar.
- Samskipta- og bankaupplýsingar umsækjanda þurfa að liggja fyrir. Öðruvísi er ekki hægt að ljúka afgreiðslu. Liggi þessar upplýsingar fyrir í kerfinu, birtast þær sjálfkrafa hér.
- Næst er hægt að skrá inn óinnheimt iðgjöld ef þarf, þ.e. ef launagreiðandi hefur ekki skilað. Ef engin óinnheimt iðgjöld eiga við getur þú haldið áfram án þess að bæta við línu. Hafi atvinnurekandi ekki skilað inn réttum iðgjöldum, er hægt að leiðrétta það með því að hlaða upp launaseðli og slá inn iðgjaldafjárhæð. Mistök eða trassaskapur atvinnurekanda á ekki að bitna á félagsmanni.
- Að lokum þarf að fara yfir upplýsingarnar áður en umsókn er send inn.
- ATH! Nú er hægt að vista og hætta í ferlinu ef til dæmis vantar gögn. Með því að smella á strikin 3 sem finna má efst til hægri á forsíðunni, þá opnast fellilisti og þá er bara að velja Styrkumsókn og halda áfram með ferlið. Þar er líka hægt að skoða eldri umsóknir.
Senda fyrirspurn til félagsins
Á Mínum síðum má finna hnapp til að senda inn fyrirspurn
Almennar fyrirspurnir á við um allar spurningar, tilkynningar, athugasemdir eða nánast allt sem tengist félagsaðild þinni í stéttarfélaginu.
Þú hefur einnig möguleika á að senda fyrirspurn beint varðandi annað hvort bókun, pöntun vefverslunar eða styrki sem þú hefur sótt um.
Vefverslun félagsins
ATH! vefverslun er óvirk sem stendur!
Ný Vefverslun félagsins tók við af eldri útgáfu í nóvember 2026. Þar er m.a. hægt að versla á sumrin Útilegukortið og Veiðikortið og allt árið gistimiða á hótel. Einnig er hægt að kaupa miða í ferðir félagsins þarna inni, þ.e. þegar skráning stendur.
ATH! Það getur verið að tölvupóstur sem kemur frá félaginu (no-reply@ein.is) fari í ruslpóst, þannig að ef ekki kemur póstur frá félaginu eftir kaupin þá þurfið þið að skoða ruslpósthólfið ykkar.
Orlof að eigin vali - skil á gögnum
Félagið vill vekja athygli á að félagsfólk sem fékk úthlutað Orlofi að eigin vali þurfa að skila inn reikningi eða farseðli í gegnum Mínar síður fyrir kl. 12:00 á hádegi 29. desember, til að fá endurgreitt. ATH! Framvísa þarf löglega númeruðum vsk. reikningum eða farseðlum!
LEIÐBEININGAR UM RAFRÆN SKIL GAGNA FYRIR ÁRIÐ 2026
Hér fyrir neðan eru smá leiðbeiningar um hvernig félagsmenn sem fengu úthlutað "Orlofi að eigin vali 2026" geta sett sjálfir inn skjöl/gögn inn á Mínar síður vegna styrksins.
Til að byrja með þarf að velja hnappinn ELDRI ÚTGÁFA til að fara yfir á gamla persónublaðið.
Þá er einfaldast að skruna niður persónublaðið og smella á „Styrkumsóknir“, þar sem umsóknin er aðgengileg. Þegar komið er inn í umsóknina er smellt á bláa takkann Opna og þá er hægt að senda inn gögn.
Til að sækja gögnin þarf að ýta á gráa hnappinn Setja inn nýtt skjal. Því næst þarf að ýta á Skjalategund og í flettilista er valið hvernig skjal er verið að skila inn. Þá er skjalið sótt með því að ýta á Sækja skrá og velja þar skránna. Því næst er ýtt á Vista til að ljúka ferlinu.
