Mikilvægt er að mæta vel undirbúinn í atvinnuviðtal, t.d. með því að undirbúa svör við algengum spurningum, gæta þess að koma vel fyrir og afla upplýsinga um fyrirtækið sem sótt er um.
- Mæta tímanlega. Ekki koma of seint, en ekki alltof snemma heldur.
- Vera snyrtilegur til fara. Óþarfi að vera uppstrílaður, en það er góð regla að vera í viðeigandi og snyrtilegum klæðnaði sem þér líður vel í.
- Ekki gleyma gögnunum - ferilskrá, kynningarbréf, prófskírteini eða annað sem kann að skipta máli.
- Kynna sér fyrirtækið - gott er að vita hvað fyrirtækið gerir og undirbúa spurningar um það sem sýna áhuga.
Algengar spurningar í viðtali:
- Af hverju sóttir þú um starf hjá okkur?
- Af hverju vilt þú hætta í því starfi sem þú sinnir núna?
- Hver eru helstu verkefni sem þú sinnir í núverandi starfi?
- Eru önnur verkefni sem þú hefur ef til vill sinnt utan vinnu og þú vilt segja okkur frá?
- Segðu okkur aðeins meira frá sjálfri/sjálfum þér. (Einkenni og áhugamál, jafnvel fjölskyldustaða)
- Hverjir eru helstu kostir/gallar þínir?
- Ert þú skipulögð/skipulagður í vinnu?
- Átt þú auðvelt með að sýna frumkvæði? Getur þú nefnt dæmi þar sem þú hefur sýnt frumkvæði í vinnu?
- Er eitthvað sem þú vilt spyrja okkur um?