Lögfræðingar félagsins

Eining-Iðja er með samning við PACTA lögmenn, en þeir sjá um alla lögfræðiþjónustu fyrir félagið. Starfsmönnum félagsins er heimilt að bjóða félagsmönnum sínum að leita viðtals og ráðgjafar hjá PACTA vegna ágreinings þeirra við vinnuveitendur, innheimtu launakrafna, skaðabótamála eða annarra mála, sem starfsmenn Einingar-Iðju telja rétt að bjóða viðkomandi félagsmanni. Eining-Iðja ber kostnað af þeirri þjónustu sem unnin er fyrir félagsmanninn og ekki fæst greiddur úr hendi vinnuveitanda, þrotabús hans, ábyrgðasjóði launa eða af öðrum aðilum. Algjört skilyrði er að félagsmenn hafi fyrst samband við Einingu-Iðju og er það félagsins að meta hvort málinu verði vísað til lögfræðinga félagsins. 

Í samningum er einnig kveðið á um að félagsmaður í Einingu Iðju, sem leitar til PACTA án þess að félagið hafi milligöngu þar um, skuli fá 15% afslátt af gildandi gjaldskrá PACTA á hverjum tíma. 

Lögmannsþjónusta í Fjallabyggð og á Dalvík
Pacta lögmenn leigja aðstöðu á skrifstofum félagsins í Fjallabyggð og á Dalvík.  ATH! þessi þjónusta er fyrir alla, ekki bara félagsmenn Einingar-Iðju.

Ásgeir Örn Blöndal Jóhannsson hdl. er með viðtalstíma á skrifstofunum í Fjallabyggð og á Dalvík nokkuð reglulega skv. bókunum. Bókaðu tíma hjá honum í síma 440 7900 eða með tölvupósti til asgeirorn@pacta.is, fyrsta viðtal er frítt.

Nánari upplýsingar um fyrirtækið má fá á heimasíðu PACTA