Kjarasamningar fjalla um kaup og kjör. Til að mynda laun, vinnutíma, orlof, yfirvinnu, uppsagnarfrest, veikindarétt og fleira. Kjarasamningur Einingar-Iðju við Samtök atvinnulífsins er gerður með atbeina Starfsgreinasambands Íslands.
Kauptaxtar SGS við SA
- Kauptaxtar SGS vegna starfsfólks á almenna vinnumarkaðinum
- Gildir fyrir almennt verkafólk, ræstingu, vaktmenn, fiskvinnslufólk, byggingarverkamenn, sorphirðumenn, iðnverkafólk, matráða, hafnarverkamenn, tamningamenn, tækjastjórnendur, bílstjóra og hópbifreiðarstjóra.
- Kauptaxtar SGS vegna starfsfólks í veitinga-, gisti- og þjónustustarfsemi
- Gildir fyrir starfsfólk sem starfar í veitinga-, gisti-, þjónustu- og greiðasölustaða, afþreyingarfyrirtækja og hliðstæðrar starfssemi.
Leiðbeiningar
- Finna starf í upptalningu og hvaða launaflokkur á við.
- Fletta upp í launatöflu launaflokki. (Allar launatölur sem gefnar eru upp eru fyrir skatt og miða við 100% starf)
Aldur
- Við mat á starfsaldri til launa telst 22 ára aldur jafngilda eins árs starfi í starfsgrein.
- Byrjunarlaun og laun unglinga í kjarasamningi þessum miðast við að starfsmaður hafi náð 18 ára aldri og öðlast hæfni til að sinna viðkomandi starfi.
- Þjálfunartími miðast að hámarki við 300 klst. hjá sama atvinnurekanda eða 500 klst. í starfsgrein eftir 16 ára aldri er náð.
- Á þjálfunartíma er heimilt að greiða 95% af byrjunarlaunum.
- Laun 17 ára eru 89% af byrjunarlaunum 18 ára (Aldursþrep miðast við fæðingarár)
- Laun 16 ára eru 84% af byrjunarlaunum 18 ára (Aldursþrep miðast við fæðingarár)
- laun 15 ára eru 71% af byrjunarlaunum 18 ára (Aldursþrep miðast við fæðingarár)
- Laun 14 ára eru 62% af byrjunarlaunum 18 ára (Aldursþrep miðast við fæðingarár)
Reynsla
- Starfsreynslu skal meta til launaþrepa skv. launaákvæðum samnings þessa. Starfsaldur, m.v. starfsreynslu í sömu starfsgrein, skal metinn skv. staðfestum upplýsingum um fyrri störf, og skal það gilda, þótt starfshlé úr greininni verði allt að þrjú ár. Sé starfshlé lengra skal leggja mat á starfsreynslu og hæfni við röðun í launaþrep. Ágreiningur skal leystur af stjórnanda í samráði við trúnaðarmann. Tímabundin störf skulu talin saman m.v. unna daga eða dagvinnustundir.
- Við mat á starfsaldri til launa telst 22 ára aldur jafngilda eins árs starfi í starfsgrein.
- Starfsmaður skal leggja fram staðfestingu á starfsreynslu í starfsgrein og er starfsaldur metinn frá og með næstu mánaðarmótum eftir að staðfesting liggur fyrir.
Flokkstjórn - vaktstjórn
- Ef starfsmaður er ráðinn sem flokksstjóri skal greitt sérstaklega fyrir stjórnunarlega ábyrgð. Álag skal koma fram í ráðningarsamningi og ráðast af eðli og umfangi starfsins ásamt ábyrgð sem því fylgir.
Samingsfrelsi
- Kjarasamningar eru lágmarkskjarasamningar og kveða því á um lágmarkskaup og kjör. Það þýðir að óheimilt er að greiða lægra kaup en þar er kveðið á um, sbr. 1. gr. laga um starfskjör launafólks nr. 55/1980.
- Vinnuveitendum og launamönnum er hins vegar frjálst að semja sín á milli um hærri greiðslur. Samkvæmt kjarasamningum er gert ráð fyrir að allir launamenn sem eru ráðnir til starfa í lengri tíma en eins mánaðar skuli fá ráðningarsamning eða ráðningarbréf. Það er hlutverk vinnuveitandans að útbúa ráðningarsamning og ber hann því hallan af óskýrri framsetningu.
Kjarasamningur SGS og SA
- Kjarasamningur Starfsgreinasambands Íslands og Samtaka atvinnulífsins 2024-2028 (Bókin í heild)
- Samningur þessi fjallar til að mynda um eftirtalin störf: Almennt verkafólk, ræstingu, vaktmenn, fiskvinnslufólk, byggingraverkamenn, sorphirðumenn, iðnverkafólk, matráða, hafnarverkamenn, tamningamenn, tækjastjórnendur, bílstjóra, hópbifreiðarstjóra.
Orlofsuppbót