Breyting á reglum um styrki vegna íslensku- og annars tungumálanáms
How can I read this news in another language?
Jak mogę przeczytać tę wiadomość w innym języku?
Frá og með 1. janúar 2027 breytast reglur Landsmenntar, Ríkismenntar og Sveitamenntar um styrki vegna íslensku- og annars tungumálanáms. Eftir þann dag verður aðeins styrkt tungumálanám sem fer fram í framhaldsskóla, háskóla eða hjá viðurkenndum fræðsluaðila.
Markmið breytingarinnar er að einfalda og samræma reglur sjóðanna, þannig að sömu grunnviðmið gildi um tungumálanám og aðra styrkhæfa starfsmenntun.
- Áfram styrkhæft: Tungumálanám í framhalds- og háskólum, hjá símenntunarmiðstöðvum og öðrum fræðsluaðilum með viðurkenningu stjórnvalda. Það verður styrkt með sama hætti og önnur styrkhæf starfsmenntun. Stjórnarráðið | Listi yfir viðurkennda fræðsluaðila
- Ekki lengur styrkhæft: Íslensku- og annað tungumálanám hjá fræðsluaðilum án formlegrar viðurkenningar stjórnvalda. Til dæmis sjálfstætt starfandi fræðsluaðilum og áskriftir að tungumálaöppum.
-
Þeir fræðsluaðilar sem hafa uppfyllt hæfniviðmið sjóðanna fram að þessu teljast styrkhæfir til 31. desember 2026.
Fræðsluaðilar sem ekki hafa hlotið viðurkenningu geta sótt um hana hjá mennta- og barnamálaráðuneytinu. Upplýsingar um skilyrði og umsóknarferli eru á vef ráðuneytisins: Stjórnarráðið | Viðurkenning fræðsluaðila