Ekki lengur sérstök vetrarleiga
09.sep | 2025
Nú er alltaf hægt að bóka orlofshús eða íbúð um það bil sex mánuði fram í tímann, fyrir utan tímabilið þegar sumarúthlutun er í gangi.
Vert er að minna félagsfólk á að félagið er ekki lengur með sérstaka vetrarleigu orlofshúsa.
Nú er alltaf hægt að bóka orlofshús eða íbúð um það bil sex mánuði fram í tímann, fyrir utan tímabilið þegar sumarúthlutun er í gangi.
Orlofskerfi félagsins virkar þannig að á miðnætti bætist alltaf einn dagur við kerfið sem hægt er að bóka. Áður var opnað fyrir vetrarleigu þann 1. ágúst ár hvert en þegar nýtt orlofskerfi var tekið í notkun varð sem sagt breyting þar á.
Áhugasamir geta því kíkt núna á bókunarsíðuna, bókað og greitt fyrir hús eða íbúð. Leigja má íbúðir og hús sex mánuði fram í tímann, sami aðili má skrá sig fyrir allt að sjö gistinóttum á íbúð og sjö gistinóttum á hús á næstu sex mánuðum.
Um jól, áramót og páska eru einungis vikuleigur í boði í öllum orlofskostum félagsins.