Eru félagsgjöldin ekki örugglega að skila sér?
20.maí | 2019
Fylgstu með á Félagavefnum og fáðu upplýsingar um hvort félagsgjöldin séu að skila sér til okkar. Félagsgjöld til Einingu-Iðju eru 1 % af launum og sér vinnuveitandi um skil þeirra til félagsins. Til að viðhalda fullgildum félagsrétti í Einingu-Iðju þurfa félagsgjaldsgreiðslur að berast reglulega. Ef ekkert félagsgjald er greitt í sex mánuði samfellt fellur viðkomandi félagsmaður af félagsskrá.
Með greiðslu lágmarksfélagsgjalda koma tiltekin réttindi. Hjá Einingu-Iðju hafa félagsmenn t.d. rétt til:
- Upplýsinga um réttindi og skyldur
- Aðstoðar við túlkun kjarasamninga
- Aðstoðar við gerð ráðningarsamninga
- Aðstoðar við útreikninga á launum og innheimtu
- Aðstoðar ef upp kemur ágreiningur á vinnustað
- Lögfræðiaðstoðar tengda kjaramálum
- Aðstoðar í veikindum í gegnum sjúkrasjóðinn
- Styrkja til forvarna og endurhæfingar
- Niðurgreiðslu á námi og námskeiðum
- Aðgangs að orlofshúsum
Upphæð félagsgjalda og nafn stéttarfélags á að koma fram á launaseðli. Á Félagavef Einingar-Iðju er hægt að fylgjast með skilum félagsgjalda og sjá yfirlit yfir greidd félagsgjöld aftur í tímann. Eining-Iðja hvetur félagsmenn til að skoða launaseðilinn sinn vel og fylgjast með skilum félagsgjalda á Félagavefnum.