Fræðsla í Vinnuskóla Akureyrar
25.jún. | 2026
Elsa Hrönn tók meðfylgjandi mynd í Rósenborg í vikunni.
Eitt af hlutverkum Vinnuskóla er markviss fræðsla á ýmsum sviðum auk forvarna. Fjölmargir koma að þeirri fræðslu, m.a. Eining-Iðja.
Í vikunni mætti félagið á tvær starfsstöðvar Vinnuskólans, Rósenborg og Síðuskóla, og var þar með fræðslu fyrir ungmenni á aldrinum 14 til 16 ára um réttindi og skyldur þeirra á vinnumarkaði.
Í næstu viku verður félagið með eina slíka fræðslu í viðbót fyrir ungmennin.
Rut Pétursdóttir, mannauðs- og fræðslustjóri Einingar-Iðju, og Elsa Hrönn Gray Auðunsdóttir, varaformaður félagsins, sáu um fræðsluna að þessu sinni.