"Kaffitíminn með ASÍ-UNG" - Kaffisopi með forsetaframbjóðendum

ASÍ-UNG er með podcast undir nafninu “Kaffitíminn með ASÍ-UNG”. Fyrr í vikunni fóru tveir þættir í loftið, en framundan er þing Alþýðusambands Íslands þar sem meðal annars verður kosinn nýr forseti sambandsins. Af því tilefni var ákveðið að bjóða  þeim tveimur sem boðið hafa sig fram til forseta í Kaffitímann með ASÍ-UNG til að kynnast þeim betur og heyra þeirra sýn á framtíð verkalýðshreyfingarinnar. Sömu meginspurningar voru lagðar fyrir báða frambjóðendur.

Kaffitíminn með ASÍ-UNG er vettvangur fyrir fólk til þess að fræðast um málefni vinnumarkaðarins. Hér eru þau að ræða réttindi, skyldur, stéttarfélög, samfélagsmál og allt sem snertir ungt fólk á vinnumarkaði í dag. Þau ætla að gefa innsýn bak við tjöldin í verkalýðshreyfingunni, ræða mál líðandi stunda, fá til sín góða gesti og reyna að setja flókin mál vinnuréttarins upp á léttari nótur. Þau stefna að því að vera létt, skemmtileg og fræðandi.

Eldri þættir

• Í fyrsta þætti var aðeins farið yfir það hver þau eru, hvaðan þau koma og hvert þau ætla að stefna.
• Í þætti tvö var fjallað um réttindi og skyldur á vinnumarkaði og farið yfir stéttarfélögin og hlutverk þeirra.
• Í þætti þrjú var fjallað um leikskólamál og umræðuna sem verið hefur í fjölmiðlum.
• Í þætti fjögur var fjallað um síðasta viðburð ASÍ-UNG sem haldinn var dagana 19. og 20. mars sl. Rætt er um húsnæðismál, menntamál, leikskólamál, barneignir og fleira.

Það er hægt að hlusta á þau í Apple podcast og á Spotify.

Þau vilja endilega heyra frá ykkur ef það er eitthvað sem þið viljið að þau fjalli um. Það má senda skilaboð til þeirra í gegnum Facebook eða á instagram’inu þeirra.