Ráðgjafi í starfsendurhæfingu á Akureyri
12.jún | 2020
Vert er að minna á að umsóknarfrestur er til 15. júní nk. og sótt er um á alfred.is. VIRK í samvinnu við Einingu–Iðju leitar að ráðgjafa á sviði starfsendurhæfingar. Um er að ræða samvinnuverkefni stéttarfélaga á Eyjafjarðarsvæðinu og VIRK Starfsendurhæfingarsjóðs. Starfið er fjölbreytt og krefjandi og einstakt tækifæri til þátttöku í þróun og þjónustu á sviði starfsendurhæfingar á vinnumarkaði.
Helstu verkefni
- Ráðgjöf, stuðningur og hvatning við einstaklinga með skerta starfsgetu.
- Upplýsingaöflun, skráning og mat samkvæmt gildandi verkferlum.
- Umsjón og eftirfylgd með einstaklingsbundnum áætlunum sem gerðar eru í samvinnu við þverfagleg teymi VIRK.
- Vinnur í nánu samstarfi við sérfræðinga VIRK, fagaðila í starfs- endurhæfingu og vinnustaði.
- Samskipti við stéttarfélög og atvinnurekendur.
Menntunar- og hæfnikröfur
- Háskólamenntun á sviði heilbrigðis- eða félagsvísinda.
- Víðtæk reynsla og þekking á sviði einstaklingsráðgjafar og/eða starfs- endurhæfingar.
- Framúrskarandi samskiptahæfni, jákvætt viðmót og þjónustulund.
- Sveigjanleiki og sjálfstæði í vinnubrögðum.
- Skipulagshæfni og kostnaðarvitund.
- Góð þekking á vinnumarkaði.
- Gott vald á íslensku og ensku, bæði í ræðu og riti
Ráðgjafar VIRK starfa hjá Einingu-Iðju samkvæmt samningi við VIRK. Að VIRK standa öll helstu samtök launamanna og atvinnurekanda á vinnumarkaði. Hlutverk VIRK er að efla starfsgetu einstaklinga í kjölfar veikinda eða slysa með árangursríkri starfsendurhæfingarþjónustu. VIRK hefur í samstarfi við fagaðila, fyrirtæki og stofnanir skilað samfélagslegum ávinningi með aukinni þátttöku einstaklinga á vinnumarkaði og er leiðandi í rannsóknum og þróun á sviði starfsendurhæfingar.
Nánari upplýsingar um Einingu–Iðju er að finna á ein.is og um VIRK á virk.is.
Við hvetjum karla jafnt sem konur til að sækja um störf.
Upplýsingar veitir Jakobína H. Árnadóttir, jakobina@lidsauki.is. Umsóknarfrestur er til 15. júní nk. og sótt er um á alfred.is. Umsókn þarf að fylgja starfsferilskrá og einnar blaðsíðu kynningarbréf þar sem gerð er grein fyrir hvernig viðkomandi uppfyllir hæfniskröfur starfsins.