Til hamingju með daginn!

1. maí er alþjóðlegur baráttudagur verkafólks. Árleg áminning um mátt samstöðu og nauðsyn áframhaldandi baráttu fyrir réttlæti og mannsæmandi lífskjörum fyrir alla. Eining-Iðja sendir félagsmönnum sem og landsmönnum öllum hátíðar- og baráttukveðjur í tilefni dagsins.

Í ár fylkjum við liði undir kjörorðunum Styrkur okkar er velferð allra og hvetjum við félagsfólk til þess að sýna samstöðu með því að fjölmenna í kröfugöngu á Akureyri og taka þátt í hátíðardagskrá á Akureyri og í Fjallabyggð. 

Kröfuganga og hátíðardagskrá á Akureyri föstudaginn 1. maí

• 13:45 – Göngufólk safnast saman við Alþýðuhúsið
• 14:00 – Lagt af stað við undirleik Lúðrasveitar Akureyrar

Hátíðardagskrá á Ráðhústorgi að lokinni kröfugöngu, eins og gjarnan á árum áður, en ekki í menningarhúsinu Hofi eins og mörg síðustu ár.

• Fundarstjóri er Guðjón Hreinn Hauksson, formaður Félags framhaldsskólakennara
• Ávarp 1. maí nefndar stéttarfélaganna – Erla Rán Kjartansdóttir, formaður Bandalags kennara á Norðurlandi eystra
• Hátíðarræða – Magnús Þór Jónsson, formaður Kennarasambands Íslands
• Leikfélag Menntaskólans á Akureyri sýnir atriði úr söngleiknum Ljóska í gegn
• Leikfélag Verkmenntaskólans á Akureyri sýnir atriði úr leikritinu Ronja ræningjadóttir

Grillaðar pylsur og skátatívolí að dagskrá lokinni

Dagskrá í Fjallabyggð 2026

Boðið verður upp á létta dagskrá í sal félaganna að Eyrargötu 24b Siglufirði föstudaginn 1. maí kl. 14:30 – 17:00

Ávarp flutt af Önnu Júlíusdóttur, formanni Einingar-Iðju.

Boðið verður upp á kaffiveitingar