Trúnaðarmannanámskeið stendur nú yfir

Hér má sjá þegar trúnaðarmennirnir voru nýmættir á námskeiðið í gær og voru að skrá sig inn á "mínar síður" hjá Félagsmálaskólanum.

Nú stendur yfir trúnaðarmannanámskeið, 1. hluti, í sal félagsins á Akureyri og taka 24 trúnaðarmenn þátt í því. Námskeiðið hófst í gær og mun því ljúka á morgun.  Leiðbeinandi er Sigurlaug Gröndal, frá Félagsmálaskóla Alþýðu. Á námskeiðinu er farið yfir hvert hlutverk stéttafélaga, sambanda og heildarsamtaka á vinnumarkaði er. Einnig er farið í hvert hlutverk trúnaðarmanns er á vinnustað og hvað hann á að gera og hvað ekki.

Stiklur um efnið

• Hvert er hlutverk stéttarfélaga, sambanda og heildarsamtaka á vinnumarkaði.
• Hvernig starfa stéttarfélögin, stjórnir þeirra og hvert er hlutverk félagsmanna.
• Hvert er hlutverk trúnaðarmanns á vinnustað, hvað á hann að gera og hvað á hann ekki að gera?
• Hvert er hlutverk trúnaðarmanna samkvæmt lögum og kjarasamningum.
• Hvar getur trúnaðarmaður aflað sér upplýsinga um túlkanir kjarasamninga og önnur mál sem koma inn á hans borð.
• Hvernig eiga trúnaðarmenn að taka á móti umkvörtunum og vinna úr þeim.
• Lögð er megináhersla á mikilvægi góðra samskipta á vinnustað, hvernig megi stuðla að góðum samskiptum.
• Skoðuð er mismunandi framkoma, áhrif hennar á okkur og aðra.
• Nemendur kynnast afleiðingum langvarandi slæmra samskipta, eineltis á vinnustað, hvernig bregðast eigi við og ábyrgð gerenda og atvinnurekenda