Frístundakort
Í vefverslun félagsins er m.a. hægt að versla Útilegukortið og Veiðikortið. Fljótlega verður einnig hægt að versla gistimiða á hótel. Samningaviðræður við ýmsa aðila eru í gangi þessa dagana.
Útilegukortið sumarið 2025
Útilegukortið gildir á viðkomandi tjaldsvæðum á meðan tjaldsvæðin eru opin fyrir almenning út árið 2025, en þó ekki lengur en til 15. september. Kortið veitir tveim fullorðnum og fjórum börnum undir 16 ára aldri fría gistingu á tjaldsvæðum samstarfsaðila Útilegukortsins í allt að 28 gistinætur á hverju starfsári þess. Engin takmörk eru fyrir því hve oft má koma á hvert tjaldsvæði innan gistináttanna 28 en einungis má gista í fjórar nætur samfellt í hvert skipti. Útilegukortið gildir fyrir tjöld, tjaldvagna, fellihýsi, hjólhýsi og húsbíla.
Ath! gistináttaskattur er ekki innifalinn í Útilegukortinu.
Kortið er EKKI til sölu á skrifstofum félagsins. Kortið verður eingöngu til sölu á Mínum síðum félagsins! Útilegukortið er hægt að fá sent í pósti frá Útilegukortinu eða rafrænt. Þegar rafrænt kort er valið er hægt að fá það sent í tölvupósti og/eða SMS eftir að greiðsla fer fram. Þá þarf viðkomandi að skanna QR kóða til að fá kortið beint í rafrænt veski í símann sinn. Nauðsynlegt er að setja upp rafrænt veski í símann áður en ýtt er á hlekk sem kemur frá söluaðila (Útilegukortinu).
Athugið að gott er að panta með góðum fyrirvara. Það getur tekið allt að viku, jafnvel rúmlega það, að fá kort með póstinum.
Allar upplýsingar um kortið má fá á vefsíðunni www.utilegukortid.is
Veiðikortið sumarið 2025
Veiðikortið er mjög hagkvæmur valkostur sem hentar jafnt veiðimönnum sem fjölskyldufólki. Með Veiðikortið í vasanum er hægt að veiða nær ótakmarkað í 37 veiðivötnum víðsvegar um landið sem og tjalda endurgjaldslaust við mörg þeirra.
Kortið er EKKI til sölu á skrifstofum félagsins. Kortið verður eingöngu til sölu á Mínum síðum félagsins! Veiðikortið er hægt að fá sent í pósti frá Veiðikortinu eða rafrænt. Athugið að gott er að panta með góðum fyrirvara. Það getur tekið allt að viku, jafnvel rúmlega það, að fá kort með póstinum. Þegar rafrænt kort er valið er hægt að fá það sent í tölvupósti og/eða SMS eftir að greiðsla fer fram.
Veiðikortið í símann þinn.
Ef þú ert með Android verður þú að niðurhala í símann þinn SmartWallet. Síðan getur þú einfaldlega opnað myndavélina inni í appinu og skannað inn QR kóðann sem þú færð sendann.
Ef þú ert með Apple getur þú notað Apple Wallet appið sem er þegar í símanum þínum. Einfaldlega opnaðu myndavélina á símanum þínum og skannaðu QR kóðann.
Ath. að prenta út mynd af Rafræna Veiðikortinu sem birtist í tölvupóstinum með QR kóðaunum til að hafa í mælaborði bifreiðar, sérstaklega þegar veitt er í Þingvallavatni og Elliðavatni.
Prenta þarf svona mynd til að hafa í mælaborði!
Allar frekari upplýsingar og lista um veiðisvæði má nálgast á www.veidikortid.is