Myndasafn

ný sjúkraíbúð var keypt í byrjun árs 2014

Félagið hefur tekið á leigu sumarhús á skemmtilegum stað í Grímsnesi, nálægt Kerinu. Húsið er í orlofshúsasvæðinu Vaðness sem er fallegt gróið svæði í miðju Grímsnesinu. Þar er m.a. leiksvæði með fótboltavelli, rólum o.fl. Húsið er 63 fermetrar að stærð með gistimöguleika fyrir 5 til 6, þ.e. fyrir utan barnaferðarúm. Húsið er með þremur svefnherbergjum, tvö með tvíbreiðum rúmum og eitt með kojum. Engar aukadýnur eru í húsunum. ánari upplýsingar á https://mitt.ein.is/ þegar umsóknartímabil er opið

Helgina 7. og 8. september 2013 hélt félagið tvö námskeið fyrir félagsmenn í því hvernig eigi að bera sig að við að mála á steina. Í raun átti bara að hafa eitt námskeið en vegna mikillar aðsóknar var öðru námskeiði bætt við. Hér má finna nokkrar myndir sem teknar voru á fyrra námskeiðinu.

Í morgun fór Björn Snæbjörnsson, formaður Einingar-Iðju, ásamt nokkrum öðrum forsvarsmönnum stéttarfélaga á svæðinu í heimsókn á vinnusvæðið við Vaðlaheiðargöng. Jón Leví Hilmarsson svæðisstjóri tók á móti hópnum, fræddi þá um framkvæmdina og sýndi svæðið. Farið var að gangamunanum og fylgst með þegar borað var í bergið, en nú þegar er búið að sprengja um 6 til 8 metra inn í það. Einnig var starfsmannaaðstaðan skoðuð sem og skrifstofuaðstaðan og mötuneytið.

Laugardaginn 2. mars bauð Eining-Iðja félagsmönnum sem eru lífeyrisþegar á leikritið Dagatalsdömurnar sem Freyvangsleikhúsið sýnir í Freyvangi. Á undan sýningu var boðið upp á kaffiveitingar á Öngulstöðum. Um 120 félagsmenn þáðu boðið og skelltu sér í kaffi og á skemmtilega leiksýningu.

Sumarhúsið, sem er 57 fermetrar að stærð, er vel útbúið að innan og með heitum potti, stórri verönd og útigrilli. Það er í fjallshlíð mót suðri og er útsýnið afar fagurt. Góðar gönguleiðir eru í nágrenninu. Nánari upplýsingar á https://mitt.ein.is/ þegar umsóknartímabil er opið

Eining-Iðja hefur til afnota eitt orlofshús í Brekkuskógi sem búið er að endurnýja að innan. Í húsinu er forstofa og stofa og eldhús í sama rými, baðherbergi með sturtu. Herbergi er með hjónarúmi og á svefnlofti eru tvö rúm sem hægt er að færa saman og tvær auka dýnur. Útipallur er með útihúsgögnum og heitum potti. Þvottavél má finna í þjónustumiðstöð. Nánari upplýsingar á https://mitt.ein.is/ þegar umsóknartímabil er opið

Félagið á eitt hús í orlofsbyggðinni Flókalundi. Á svæðinu er sundlaug. Vert er að benda á áhugaverðan valkost sem er að nota Breiðafjarðarferjuna Baldur en hún siglir milli Brjánslækjar í Vatnsfirði og Stykkishólms með viðkomu í Flatey. Það eru því margir möguleikar til styttri og lengri ferða fyrir þá sem dvelja í orlofshúsum í Vatnsfirði. Nánari upplýsingar á https://mitt.ein.is/ þegar umsóknartímabil er opið