Myndasafn

Eins dags ferð fyrir aldraða Einingar-Iðjufélaga var farin 21. júní 2017. Fyrst var farið eins og leið liggur austur á Húsavík. Þaðan var ekið upp að Þeystareikjum og svo aftur til baka niður á Húsavík þar sem Hvalasafnið var skoðað. Að því loknu var borðaður hádegismatur á Húsavík. Eftir mat var farið upp Kísilveg og farinn hringur í Mývatnssveit. Eftir það var farið á Illugastaði í Fnjóskadal þar sem drukkið var kaffi. Að lokum var farið um Víkurskarð og til Akureyrar á ný.

Félagið bauð félagsmönnum sem eru lífeyrisþegar á leikritið Góðverkin kalla sem sýnt er í Freyvangsleikhúsinu. Sýning var laugardaginn 1. apríl og var boðið upp á kaffiveitingar fyrir sýninguna í Laugarborg í Eyjafjarðarsveit.

Miðvikudaginn 22. febrúar 2017 stóð Iðnaðar- og tækjadeild félagsins fyrir fræðslufundi fyrir bílstjóra. Kjartan Þórðarson, sérfræðingur frá Samgöngustofu, fjallaði þar um fjölmargt er snýr að málefnum bílstjóra en þó aðallega um endurmenntun þeirra. Hann svaraði jafnóðum fjölmörgum fyrirspurnum fundarmanna, en frábær mæting var á fundinn sem fram fór í salnum á 4. hæð Alþýðuhússins á Akureyri og urðu fjörugar umræður um málefnið.

Oft hefur verið betra veður á 1. maí á Akureyri heldur en er í dag. Mikil hraðferð var á logninu og þó sólargeislar hafi náð að brjótast í gegnum skýin þá náðu nokkrir þeirra að breyttast í snjókorn á leið til jarðar er kröfuganga, sem stéttarfélögin stóðu fyrir í tilefni af alþjóðlegum baráttudegi verkafólks, lagði af stað frá Alþýðuhúsinu. Þrátt fyrir veðrið mættu fjölmargir til að taka þátt í kröfugöngunni. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Anna Júlíusdóttir, formaður Einingar-Iðju, flutti ávarp. Yfirskrift þessa baráttudags okkar að þessu sinni eru „Styrkur okkar er velferð allra.” Gengið var fylgtu liði frá Alþýðuhúsinu, við undirleik Lúðrasveitar Akureyrar, gegnum miðbæinn að Ráðhústorgi þar sem fram fór hátíðardagskrá í tilefni dagsins eins og gjarnan var gert á árum áður, en ekki í menningarhúsinu Hofi eins og mörg síðustu ár. Fundarstjóri var Guðjón Hreinn Hauksson, formaður Félags framhaldsskólakennara. Erla Rán Kjartansdóttir, formaður Bandalags kennara á Norðurlandi eystra, flutti ávarp 1. maí nefndar stéttarfélaganna sem má finna í heild neðst í fréttini og Magnús Þór Jónsson, formaður Kennarasambands Íslands, flutti hátíðarræðuna að þess sinni. Auk þess var boðið upp á skemmtiatriði. Félagar í Leikfélagi Menntaskólans á Akureyri sýndu atriði úr söngleiknum Ljóska í gegn og félagar úr Leikfélagi Verkmenntaskólans á Akureyri sýndu atriði úr leikritinu Ronja ræningjadóttir. Gestum var boðið upp á kleinur og grillaðar pylsur, gos og safa, auk þess sem í boði var skátatívolí. Það má með sanni segja að dagurinn hafi verið vel heppnaður og þökkum við öllum þeim sem komu og fögnuðu með okkur.

16. apríl 2026 bauð Eining-Iðja félagsmönnum sínum á Matarmenningarhátíð í HOFI þar sem félagsmenn frá 12 ólíkum löndum buðu upp á smakk á mat frá sínu heimalandi. Hátíðin stóð yfir milli kl. 17:00 og 19:00 og er óhætt að segja að hátíðin hafi verið vel heppnuð. Mikið var af æðislega góðum mat í boði og frábær mæting. Hátíðin fór fram í Hamragil í HOFI og voru allir gestir með bros á vör á meðan gengið var á milli borða og smakkað á öllu góðgætinu.

Orlofsíbúð í boði á Spáni Félagsmönnum Einingar-Iðju stendur til boða þriggja herbergja íbúð á Spáni. Um er að ræða íbúð í lokuðum íbúðakjarna í Play Flamenca, nánar tiltekið í göti sem heitir Calle del Fénix. Hún er staðsett í rólegu og vinsælu íbúðarhverfi við Costa Blanca-ströndinni á Spáni.

Boðað var til kvennaverkfalls föstudaginn 24. október undir yfirskriftinni „Við mætum þar til við þurfum ekki lengur að mæta!” Á Akureyri var útifundur milli kl. 11:15 og 12:00 á Ráðhústorgi.

Hin árlega eins dags ferð fyrir eldri Einingar-Iðjufélaga var farin í gær, þriðjudaginn 24. júní. Um 60 félagsmenn og makar lögðu af stað í rútu frá Akureyri um kl. 9:00 og var ekið sem leið lá til Dalvíkur, með viðkomu í Svarfaðardal. Þaðan var farið til Ólafsfjarðar og Siglufjarðar þar sem Síldarminjasafnið var skoðað. Hádegismatur var snæddur á veitingastaðnum Torginu á Siglufirði þar sem boðið var upp á hlaðborð. Eftir hádegismat var farið í Skagafjörð; Hofsós, Hóla í Hjaltadal og Sauðárkrók áður en haldið var yfir Öxnadalsheiði og heim á ný. Boðið var upp á glæsilegar kaffiveitingar í Skagafirði, nánar tiltekið á Áskaffi góðgæti í Héðinsminni. Frábær leiðsegjandi var í ferðinni, hann Bragi Guðmundsson.

Fjölmenni safnaðist saman á Akureyri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí 2025, á alþjóðlegum baráttudegi verkafólks.