Opið fyrir orlofshúsaumsóknir og Orlof að eigin vali
12. mars kl. 9:00 var opnað fyrir rafrænar umsóknir vegna úthlutunar orlofshúsa og íbúða félagsins sumarið 2026 sem og Orlof að eigin vali. Félagsmenn þurfa að sækja um sumarvikur og orlof að eigin vali á rafrænan hátt á Mínum síðum félagsins.
ATH! - EKKI þarf að sækja um íbúð á Spáni, það er opið fyrir bókanir sex mánuði fram í tímann
Úthlutað verður rafrænt samkvæmt punktakerfi og því skiptir ekki máli hvenær félagsfólk sækir um orlofshús, íbúðir eða Orlof að eigin vali á úthlutunartímabilinu.
Stefnt er á að úthlutun fari fram þriðjudaginn 31. mars.
Til að sækja um er smellt á bláa takkann Sækja um við Sumarúthlutun Einingar-Iðju 2026 í orlofsrammanum á persónublaðinu.
Hér fyrir neðan má sjá helstu dagsetningar vegna úthlutunar sumarsins.
- 12. mars kl. 9.00 opnar fyrir umsóknarferlið vegna sumars 2026.
- Umsóknarferlið er opið til kl. 22:00 fimmtudaginn 26. mars.
- Stefnt er á að úthlutun fari fram 31. mars, þar sem hæsta punktastaða ræður úthlutun. Niðurstöður úthlutunar sendar í sms/tölvupósti til félagsfólks. Þá verður sendur greiðsluhlekkur til þeirra sem fengu orlofshús eða íbúð. Á Mínum síðum geta félagsmenn séð hvaða eign þeir fengu úthlutað.
- Greiða þarf íbúð með greiðslukorti fyrir 9. apríl að öðrum kosti fellur úthlutunin niður.
- Mánudaginn 13. apríl kl. 12.00 opnar fyrir alla í „fyrstir koma, fyrstir fá“. Þá er opnað fyrir þær vikur sumars sem eftir verða.
Félagsmenn hafa kost á að senda inn þrjár umsóknir, eina aðalumsókn og tvær til vara. Í valflipanum svæði þarf að velja úr þeim orlofskostum sem eru í boði eða Orlof að eigin vali og í valflipanum tímabil þarf að velja ákveðna viku.
Í dæminu hér fyrir ofan er búið að velja eina eign og Orlof að eigin vali og því má velja eina eign í viðbót. Einnig má sleppa að velja Orlof að eigin vali og velja þrjár eignir. Á meðan umsóknarferlið er opið er hægt að færa valkosti á milli aðalvals og hvað á að vera til vara, eyða og bæta við eins og þörf krefur.
Ekki er hægt að færa til bókanir á sumarleigutímabili.
Einungis eru vikuleigur í boði, frá fimmtudegi til fimmtudags á eftirfarandi stöðum:
- Bjarteyjarsandur í Hvalfirði (1 hús)
- Brekkuskógur (1 hús)
- Einarsstaðir (3 hús)
- Flókalundur í Vatnsfirði (1 hús)
- Flúðir (2 hús)
- Húsafell (Gæludýr leyfð) (1 hús)
- Höfuðborgarsvæðið (8 íbúðir)
- Illugastaðir (8 hús)
- Munaðarnes (1 hús)
- Súðavík (1 hús)
- Svignaskarð ( 2 hús)
- Tjarnargerði í Eyjafirði (1 hús)
- Vaðnes (1 hús)
- Ölfusborgir (1 hús)
Upplýsingar um eignirnar má finna á Mínum síðum félagsins