Utanlandsferðin 2022 - HÆTT VIÐ FERÐ VEGNA COVID

Ítölsku Alparnir og Garda

Farið verður til Ítalíu dagana 5. til 13. júní 2022, ef næg þátttaka fæst. Hámark 60 manns.

Flogið verður frá Keflavík til Munchen og heim aftur til Keflavíkur frá Mílanó. 

Á fyrsta degi verður flogið frá Keflavík til Munchen og ekið sem leið liggur til þýska skíðabæjarins Garmisch-Partenkirchen. Gist verður eina nótt á Mercure hotel

Á öðrum degi verður haldið suður á bóginn yfir Brennerskarð í Austurríki til Brixen í Suður-Tíról á Ítalíu. Gist á Hotel Grüner Baum í fimm nætur. 

Á þriðja degi verður farin dagsferð til Dólómítafjallgarðsins sem er einn þekktasti fjallgarður í Ölpunum. Hann er á heimsminjaskrá UNESCO. Farið með kláf upp á Pordojfjall sem er í um það bil 3.000 metra hæð. Á heimleið ekið fram hjá Rosengarten-tindunum.

Á fjórða degi verður farið til Alpa-bæjarins St. Ulrich í Val Gardena sem er afar fallegur og þekktur fyrir útskurð. Þetta er fæðingarstaður Sigurðar Dementz óperusöngvara og tónlistarkennara. Farið verður með kláf upp á Seiser Alm, sem er hæsta hálendisslétta Evrópu.

Á fimmta degi verður ekið til Merano, en borgin var áður höfuðborg Tíról. Á heimleiðinni verður klaustrið Neustift heimsótt og þar verður vínsmökkun.

Á sjötta degi verður farið með kláfi upp á heimafjall Brixen sem heitir Plose (2.542 metrar).

Á sjöunda degi kveðjum við Brixen og höldum til Desenzano sem stendur við suðurenda Gardavatns. Gist verður á Hótel Desenzano í tvær nætur.

Á áttunda degi verður frjáls dagur í Desenzano

Á níunda degi kveðjum Desenzano og Garda og höldum heim á leið með viðkomu m.a. í bænum Bergamo sem er á heimsminjaskrá UNESCO. Svo verður haldið til Mílanó þar sem hópurinn mun skoða sig þar um. Flogið verður frá Mílanó kl. 23:50 að staðartíma og komið til Keflavíkur kl. 02:05. 

Leiðsögumaður verður Sigurbjörg Árnadóttirog fararstjóri Björn Snæbjörnsson.

Verð kr. 275.000 á mann í tveggja manna herbergi en kr. 310.000 í eins manns herbergi.

Óafturkræft staðfestingargjald er kr. 50.000 sem þarf að greiða innan 10 daga frá pöntun í ferðina. 

Athugið! Boðið verður upp á rútuferð til Keflavíkur 4. júní og heim 13. júní. Einnig verður boðið upp á gistingu í Keflavík aðfararnótt 5. júní ef einhver óskar eftir því. 

Dregnir verða 18 orlofspunktar frá punktaeign þeirra sem fara í ferðina. 

Innifalið í verði:

  • Akstur: Allur akstur  erlendis.
  • Flug: Keflavík – Munchen – Mílanó – Keflavík.
  • Gisting: Átta nætur í tveggja manna herbergjum á hótelum með morgunverði.
  • Átta kvöldverðir innifaldir erlendis.

Ekki innifalið í verði:

  • Ferðir og gisting innanlands
  • Aðgangseyrir í söfn, kláfa og aðra áhugaverða staði þar sem þarf að borga inn.
  • Vínsmökkun.

Allar nánari upplýsingar um ferðatilhögun og skráning í ferðina verður á skrifstofum félagsins, sími 460 3600 eða netfangið ein@ein.is, frá þriðjudeginum 4. janúar 2022.

Athugið að síðar verður auglýst hvenær byrjað verður að skrá í eins dags ferðina fyrir eldri félagsmenn.