"Fjallaferðin" 2025 - skráningu lýkur kl. 12:00

Föstudaginn 16. maí 2025 kl. 12:00 lokar fyrir skráningar í "Fjallaferð" ársins.

Austurland 21. og 22. ágúst 2025

Lagt verður af stað kl 9:00 að morgni frá Alþýðuhúsinu, Skipagötu 14 Akureyri, fimmtudaginn 21. ágúst.

Keyrt verður austur í Sænautasel, þaðan í Kárahnjúka, niður í Fljótsdal og gist á Eiðum þar sem snæddur verður kvöldverður.

Ýmislegt spennandi verður skoðað á leiðinni og fræðst um t.d. Skriðuklaustur og Gestastofuna.

Eftir morgunverð föstudaginn 22. ágúst verður keyrt í Borgarfjörð Eystri þar sem skoðað verður þorpið Bakkagerði, heilsað verður upp á lunda í Hafnarhólma og borðaður hádegismatur.

Keyrt heim á leið, yfir Hellisheiði Eystri ef veður leyfir.

Komið verður við á Vopnafirði og í Minjasafninu í Burstafelli.

Komið heim til Akureyrar um kl 19:00.

• Hámarksfjöldi er í ferðina, 50 manns.
• Farið verður með rútu frá Akureyri kl. 9:00.
• Leiðsögumaður verður með í för, Brynhildur Bjarnadóttir.
• Ferðin kostar kr. 25.000. 
• Innifalið er akstur, kvöldverður, gisting, morgunverður, hádegisverður seinni daginn og leiðsögn. 

Skráning í ferðina fer fram á skrifstofum félagsins á Akureyri, á Dalvík og í Fjallabyggð og í síma 460 3600. Skráningu lýkur kl. 12:00 föstudaginn 16. maí 2025.