ASÍ - Um 80% telja samkeppniseftirlit of lítið

Næstum því 80% landsmanna telja eftirlit með samkeppni á íslenskum neytendamarkaði heldur eða allt of lítið. Lítill hluti almennings telur það of mikið.  

Þetta kemur fram í nýrri þjóðmálakönnun Alþýðusambands Íslands (ASÍ).  

Spurt var: Finnst þér eftirlit með samkeppni á íslenskum neytendamarkað vera of lítið, hæfilegt eða of mikið? 

Spurningunni svöruðu 79% á þann veg að það væri of lítið, 16% töldu það hæfilegt og 6% of mikið.  

Þá afstöðu að hér á landi gangi eftirlit með samkeppni á neytendamarkaði of langt var helst að finna í hæstu tekjuhópum, meðal fólks með háskólapróf og í röðum kjósenda Sjálfstæðisflokksins og Miðflokksins.  

Sjá nánar hér