Góð dagsferð eldri félagsmanna

Hópurinn skoðaði m.a. Dómkirkjuna á Hólum í Hjaltadal og fékk fræðslu um sögu hennar.

Hin árlega eins dags ferð fyrir eldri Einingar-Iðjufélaga var farin í gær, þriðjudaginn 24. júní. Um 60 félagsmenn og makar lögðu af stað í rútu frá Akureyri um kl. 9:00 og var ekið sem leið lá til Dalvíkur, með viðkomu í Svarfaðardal. Þaðan var farið til Ólafsfjarðar og Siglufjarðar þar sem Síldarminjasafnið var skoðað. 

Hádegismatur var snæddur á veitingastaðnum Torginu á Siglufirði þar sem boðið var upp á hlaðborð.

Eftir hádegismat var farið í Skagafjörð; Hofsós, Hóla í Hjaltadal og Sauðárkrók áður en haldið var yfir Öxnadalsheiði og heim á ný.

Boðið var upp á glæsilegar kaffiveitingar í Skagafirði, nánar tiltekið á Áskaffi góðgæti í Héðinsminni.

Frábær leiðsegjandi ferðarinnar var Bragi Guðmundsson. 

Nokkrar myndir úr ferðinni má sjá hér fyrir neðan