Orlofshús

Félagið á eða hefur á leigu orlofshús eða orlofsíbúðir á fjölmörgum stöðum á landinu fyrir félagsmenn sumarið 2023. 

Höfuðborgarsvæðið: Sumarleigan 2023 nær yfir tímabilið frá 31. maí til 30. ágúst.

Opnað verður fyrir umsóknir um sumarúthlutun föstudaginn 10. mars 2023. Síðasti umsóknardagur fyrir sumarúthlutun árið 2023 er 21. apríl.

    • Þeir sem fá úthlutað þurfa að ganga frá greiðslu í síðasta lagi 2. maí 2023.
    • 5. maí 2023 kl. 10:00 verður opnað á netinu fyrir það sem enn verður laust. Þá gildir fyrstur kemur, fyrstur fær. Einnig verður hægt að hafa samband við skrifstofur félagsins til að fá upplýsingar um lausar vikur. 

Sækja um/panta á Orlofsvef félagsins - Hér má einnig finna upplýsingar um orlofskosti sem í boði eru 

Dýrahald bannað, nema í Vaðnesi! 
Af gefnu tilefni hefur verið sett inn í leigusamning að stranglega er bannað að hafa með sér hunda eða önnur gæludýr í orlofshús eða íbúðir félagsins. ATH! Sumarið 2023 má hafa með sér gæludýr í orlofshús sem félagið er með á leigu í Vaðnesi.
Upp hafa komið alvarleg ofnæmistilfelli vegna brots á þessari reglu. Framvegis verður krafist greiðslu að upphæð kr. 25.000 verði þessi regla brotin.