Hurðin læst en samt opið!
29.okt | 2020
Vegna ástandsins í þjóðfélaginu vegna Covid-19 mun félagið eingöngu veita félagsmönnum fjarþjónustu. Þetta er gert með velferð félagsmanna og starfsmanna í huga. Núgildandi reglugerð um takmörkun á samkomum vegna farsóttar tók gildi 10. desember 2020 og gildir til og með 12. janúar 2021. Starfsfólkið verður samt á sínum stað og mun sinna erindum félagsmanna í gegnum síma og tölvupóst á hefðbundnum opnunartíma. Við biðjumst velvirðingar á þeim óþægindum sem þetta kann að valda.
Sími félagsins er 460 3600 og netfangið er ein@ein.is.
Hér má finna netföng einstakra starfsmanna.
Nýlega var starfsfólkinu á Akureyri skipt upp í tvo hópa. Á meðan annar hópurinn sinnir störfum sínum á skrifstofunni mun hinn hópurinn vinna heima. Þessi hópaskipting verður áfram við lýði til að minnka líkur á að skerða þurfi þjónustuna enn frekar.
Ef erindið er áríðandi og ekki hægt að leysa með símtali eða með rafrænum hætti er hægt að hafa samband og við leysum málið saman.
- Akureyri 460 3609
- Dalvík 460 3615
- Fjallabyggð 460 3620
Skil á gögnum
Hægt er að senda gögn í pósti á skrifstofur félagsins, einnig má setja þau í póstkassa sem finna má við innganginn á skrifstofu félagsins á 2. hæð Alþýðuhússins. Á Dalvík og í Fjallabyggð eru lúgur á hurðunum.
Jafnframt má senda gögnin rafrænt með tilheyrandi fylgiskjölum á ein@ein.is Vinsamlegast sendið bankaupplýsingar umsækjanda, ef við á.
-
Dagpeningar - Umsókn um dagpeninga - Staðfesting atvinnurekanda þetta þarf að prenta út og láta atvinnurekanda fylla út.
FRÆÐSLUSTYRKIR
-
Umsóknareyðublöð (þarf að prenta út) má finna hér
Taka má mynd af eyðublaðinu og senda á ein@ein.is ásamt frumriti reiknings sem er á nafni félagsmanns þar sem fram kemur nám/námskeiðslýsing og nafn og kennitala fræðsluaðila. Ef ekki kemur fram staðfesting á greiðslu á reikningi þarf að skila til viðbótar staðfestingu á greiðslu, t.d. úr heimabanka eða greiðslukvittun frá viðkomandi skóla/fyrirtæki.